Hər şeyə qadir olan uca Allah hər şeyin sahibidir. Bu Müqəddəs Kitaba aid olan mülahizədir. “Rəbbindir yer üzü və orada mövcud olanlar, Dünya və orada yaşayanlar.” (Zəbur 24:1). Rəbb deyir, “Çünki Mənimdir bütün meşələrdə olan heyvanlar, Minlərlə dağda otlayan mal-qaralar. Dağlardakı bütün quşları tanıyıram, Bütün çöl heyvanları əlimin altındadır. Acsam, sənə demərəm, Çünki dünyaya, dünyadakı hər şeyə sahibəm!” (Zəbur 50:10-12).
Allah bəşəriyyəti Öz surətində yaratdı. İnsan Allahın xarakterini və nizamını əks etdirir. Allah hər şeyin sahibi olduğu kimi, Öz surətində yaratdığı bəşəriyyətə, yəni insanlara da Ona məxsus olan hər şeyə sahib olmaq və onlara hökmranlıq etmək səlahiyyətini həvalə etdi (Yar. 1:26-28) və beləliklə, insanların xüsusi sahibkar kimi davranmağa çağırış və qabiliyyətləri var. Allah xüsusi bir bağ- Edendə bir bağ saldı və insanı orada yerləşdirdi ki, oranın sərhədlərini qorusun (Yar. 2:8, 15). Adəm və Həvva Allahın qanunlarına qarşı üsyan etdikdə, Allah onları bu sərhədlərdən kənara atdı və qapılarına keruvlar şəklində “İcazəsiz giriş qadağandır” işarəsi qoydu (Yar. 3:23-24). Adəm və Həvva şəxsi mülkiyyətə daxil olmağın və oranı tərk etməyin yollarını çox tez öyrəndilər.
Bu təlim, Allahın yolu ilə nizamlanan və tərəqqi edən cəmiyyət kimi davam etdi, və bunu bir fakt kimi Allahın yaşayış üçün əsas qanunlarında – oğurluğu qadağan edən əmrin də daxil olduğu On Əmrdə – görürük (Çıxış 20:15). Heç bir insan və ya bir qrup insan, başqa bir insanın əmlakını – fərdi hərəkət, qanun, ərizə, sui-qəsd və ya “ümumi fayda”ya müraciət edərək Allahın qanunlarına məhəl qoymadan ala bilməz. Əhdi-Ətiq tez-tez qonşusunun mülkünün sərhədlərini dəyişdirib öz əmlakını artırmaqla bağlı olan məsələlərə müraciət edir (Qan. Tək. 19:14, 27:17, Əyyub 24:2, Sül. Məs. 22:28, 23:10, Huşə 5:10). Bu müraciətlər miras və mülkiyyətə hücum kimi hərəkətləri qadağan edir və ya pisləyir (Qan. Tək. 19:14).
Eyni təlim Əhdi-Cədiddə də var. Həvarilərin İşləri 5-ci fəsildəki ilk kilsədə, bir çox məsihçi mallarını könüllü surətdə sataraq öz aralarında yoxsullara verdilər. Bir cütlük bir torpaq satdılar və pulun hamısını verdiklərini iddia edərək pulun bir hissəsini özlərinə götürüb qalan hissəsini həvarilərin ixtiyarına verdilər. Buna baxmayaraq, hətta bu pis ürəkli insanlar üçün Peter şəxsi mülkiyyət təlimini təsdiqlədi: “Bu torpaq satılmamışdan əvvəl sənin deyildimi? Sən onu satandan sonra da pul sənin ixtiyarında deyildimi?” (Həv. iş. 5:4). Allah onları hamısını vermədiklərinə görə deyil, vermiş olduqlarını deyib yalan danışdıqlarına görə cəzalandırdı. Digər həvarilər də bu təlimə əməl etdilər: Paul, Peter (1 Pet. 4:15) və Yaqub (Yaq. 5:4) kimi oğurluğa qarşı təbliğ etdi (Efes. 4:28). İsa Özü də bu əmrləri olduqca aktual hesab edirdi (Mat. 19:18).
Müqəddəs Kitaba aid şəhadət aydındır: Allah şəxsi mülkiyyətə inanır və O, nəinki bunu istəyir, hətta bu qayda ilə yaşamağı belə əmr edir. Bu sistem altında hüquq və azadlığımız Allahdan gəlir. Heç kim onları əlimizdən ala bilməz. Buna çalışan şəxs qanun qarşısında və nəticədə Allaha cavab verməlidir.
Sosializm
Sosializm şəxsi xüsusi mülkiyyətin pis bir fikir olduğuna inamdır. Beləliklə, bu Məsihçiliyə və Kəlama zidd olan bir inancdır. Sosialistlər hesab edirlər ki, hökumətlər əmlakın çox hissəsinə və ya hamısına sahib olmalıdırlar və hökumət ekspertləri, elm adamları, siyasətçilər və ya bəzən seçicilərin uyğun gördükləri kimi mülkiyyəti bölüşdürməlidirlər. Sosializm şəraitində Dövlət özünü Tanrının yerinə qoyur və deyir: “Yer üzü Dövlətindir və onun içində olanların hamısı, dünya və orada yaşayanlarda ona məxsusdur.” Bu fikrə görə, qonşusu çoxluq təşkil edirsə və ya dövlət hər hansı bir cəhətdən qonşusunu ehtiyaclı hesab edirsə, fərdin qonşusundan heç bir müdafiəsi yoxdur; Dövlət sadəcə bu şəxsin əmlakını almaq və başqasına vermək üçün güc tətbiq edir. Bu mənada Dövlət hər gün mülkünün sərhədlərini dəyişdirir. Bu fikrə görə, Dövlət hüquqlarımızı müəyyənləşdirir və azadlıqlarımızı verir; burada Dövlətdən başqa bir yerə müraciət etmək nəzərdə tutulmayıb.
Sosializm elə bir inamdır ki, bir adamın və ya bir qrup insanın dediyi təqdirdə oğurluq məqbul sayıla bilər. Sosializmdə Parlamentdəki səs çoxluğu və ya nümayəndələrin səs çoxluğu ilə oğurluq rəsmiləşə bilər. Sosializm hökumət silahının gücü vasitəsilə edildiyi təqdirdə silahlı soyğunçuluğun yaxşı olduğuna inamdır. İnsan Yaradana deyil, başqa adamlara məxsus olur. Sosializm tamamilə humanist, Tanrını inkar edən, Tanrıya qəsd edən bir inancdır.
Nəticə
Bu iki inanc – şəxsi mülkiyyət və sosializm arasında fundamental münaqişə mövcuddur. Onlar suverenlik, insan, qanun, cəmiyyət və varislik mövzusunda ziddiyyətli fikirləri təmsil edirlər. Onların əsas rəqibi dini sistemlərdir. Birini seçib digərini rədd edirsən; Ya Allaha xidmət edib onu izzətləndirirsən, ya da izlədiyin insanın köləsinə çevrilirsən. Ya Allah insana əmr verib onun haqqında hökm çıxarır, ya da insan insana əmr edir onun haqqında hökm çıxarır.
İngiliscə Mövcuddur: https://www.lambsreign.com/mcdurmon/god-versus-socialism
Joel McDurmon, Fəlsəfə Doktoru, on ildən artıq bir Məsihçi ilahiyyatçısı və yazıçısı kimi çalışmışdır. O, çox saylı kitabların müəllifi və redaktorudur. Bu kitablara “Xristian amerikasında Köləlik problemi”, “Nəzəriyyə və Praktikada Müqəddəs Kitaba aid Məntiq”, “Sevginin Hüdudları: Allahın Azadlıq Qanunlarına Giriş”. Joel həyat yoldaşı və beş uşağı ilə Corciya ştatının Atlanta şəhəri yaxınlığında yaşayır.