Bir neçə il əvvəl görkəmli bir professor demişdi, “Gələcək hələ baş vermədiyinə görə indiki zamana heç bir təsir göstərə bilməz”. Çox adam razıdır. Onların gələcəkləri hər cür imkanlara və hər cür həyat tərzinə açıqdır və insana heç bir şəkildə məhdudiyyət qoyan heç nə yoxdur.
Məsihçilər olaraq biz heç cürə bununla razılaşa bilmərik. Keçmiş və indiki zaman kimi gələcək də, tamamilə Allah tərəfindən idarə olunur. Həvarilərin İşləri 15:18 ayəsinə əsasən, “Bunları qədimdən bəri məlum edən Rəbb belə deyir” Allah, Allahın qanunu və Allahın hökmü gələcəyi idarə edib müəyyənləşdirir və Allahın ilahi müdaxiləsindən kənarda heç nə baş vermir.
Əslində, məsihçi inamına olan əminliyin əsası budur: İsa Məsihdə Rəbbimiz və Xilaskarımız kimi bizə Özünü tanıdan Tanrı hər şeyi tamamilə idarə edib təyin edir və gələcək Onun əlindən gəlir. Kommunistlər, allahsızlar, hər hansı bir tərzdə olan insanlar deyil, yalnız Qüdrətli Allah gələcəyi müəyyən edir.
Bu, Zəbur 46-da Məzmurçunun əminliyi idi. Onun dövrünün dünyası son dərəcə qəddar, zəlzələ və fəlakətlərdə, eləcə də insanların və millətlərin müharibələrində qəddar bir dünya idi. Bütün bu qorxulu hadisələr qarşısında Məzmurçunun etimadı, Allahın lütfü və hakimiyyətinə əminliyi idi:
Allah bizə sığınacaqdır, qüvvətdir, Dar gündə çox kömək edir. Buna görə biz qorxmuruq: Yer üzü alt-üst olsa belə, Dağlar uçub dənizin köksünə aşsa belə…”
Allaha inanmaq insanın deyil, Allahın hər şeydə ən üstün Rəbb və Hökmdar olduğuna inanmaq deməkdir. Bu, qurtuluşumuz, bu günümüz və sabahlarımız üçün Ona etibar etmək deməkdir. Bu, Allahı Rəbbimiz və Xilaskarımız kimi sevdiyimizi və xilas olmaq üçün Ona müraciət etdiyimizi ifadə edir. Bu, insandan və dövlətdən daha çox Allahdan qorxduğumuzu və insana deyil, Allaha məqbul etməliyik, çünki yalnız Allah Rəbb və Xilaskardır.
Beləliklə, Allaha inandığımızı söyləsək, gələcəyə insanın deyil, Tanrının gözü ilə baxdığımızı göstərəcəyik. Məsihçi olduğunu iddia edən həddindən artıq çox sayda insanların hamısı gələcəyin guya məsih əleyhdarı tərəfindən idarə olunduğunu görürlər və onların imanı da ondan irəli gəlir. Allah heç vaxt kainatın hakimiyyətini nəyəsə və ya kiməsə təslim etməz və yaxşısı budur ki, biz buna inanaq. Yalnız O, Allahdır və Ondan “Başqası yoxdur!” (Yeşaya 45:22)
İlk dəfə Kaliforniya Fermer jurnalının 241: 1 sayında nəşr olunmuşdur: 1 (13 iyul 1974)
İngilis dilində: https://chalcedon.edu/resources/articles/god-and-the-future
R.C. Raşduni (R.J. Rushdoony) (1916-2001), aparıcı ilahiyyatçı, kilsə/dövlət mütəxəssisi və Müqəddəs Kitab qanunlarının cəmiyyətə tətbiqi ilə bağlı çoxsaylı əsərlərin müəllifi olmuşdur. 1965-ci ildə “Chalcedon” fondunun əsasını qoymuşdur. Onun Müqəddəs Kitab Qanununun Əsasları (1973), Müqəddəs Qanunun etibarlılığını Allahın hamı üçün itaət standartı kimi qəbul edən müasir teonomiya hərəkatına başladı. O, müasir məsihçi məktəbini və 20-ci əsrin ortalarından sonlarınadək evdə təhsil hərəkatlarını təşviq edən hesab edilir.