Dövrümüzün insanlarının dünyamızda yaranan problemlər və böhranlardan şikayət etməyə ixtiyarları yoxdur. İnsanlar Allahın deyil, mülki hökumətə etibar edəndə daim öz həyatlarında dövlətin gücünü daha çox, Allahın gücünü isə daha az görəcəklər. İnsanlar azadlığa deyil, nəzarətə etibar edəndə onlar daha çox köləliyə salınacaqlar və daha az azadlıq əldə edəcəklər.
İnsanlar nəyə inanırlarsa o da onların həyatının hakiminə çevrilir və insanların inandıqları ilə onların səcdə etdiyi tanrı bilinir. Pullarımızın üzərində hələ də yazılıb: “Biz Allaha İnanırıq”, lakin insanlar öz ümid və dualarını milli və ştat administrasiyasına yönəldir və sonra da Allahın onları nə üçün tərk etdiyinə təəccüb edirlər.
Həvari Paul bəyan etdi: “Aldanmayın: Allaha istehza edilməz. Çünki insan nəyi əkərsə, onu da biçəcək” (Qalatiyalılara 6:7). Dövrümüz üçün məhsulun yığım vaxtı yaxınlaşır.
İnsanlar Allaha iman deyil, imansızlıq, borclu yaşayış, mülki hökumətin onlar üçün edə biləcəyinə inam əkiblər. Onlar xilas üçün İsa Məsihə deyil, siyasətçilərə ümid ediblər və onlar dövlətə vergi verir, Rəbb üçün öz onda birlərinə isə laqeydlik göstəriblər. Onlar övladlarına möminlik tərbiyəsindən savayı hər şey veriblər və onlar özləri üçün zəngin və Allah üçün yoxsul olublar. İndi onlar artan məhsulu görməyə başladıqda kor-koranə soruşurlar: “Harada səhv etmişəm?”
Onlar heç vaxt səpmədikləri xeyir-dua məhsulunu istəyirlər və həmişə murdarladıqları şənbə günü sülhünü və rahatlıq istəyirlər və günahlarına görə kor olduqları üçün nəticələrə heyran qalırlar. Təməlsiz ev tarixin fırtınaları altında çökməyə məhkumdur, əsrlərin daşı, İsa Məsih üzərində qurulan həyat etibarlı və güclü çıxacaq. Öz təməlinizə baxın. Sənin həyatın nəyə əsaslanıb? İmanın haradadır? Sənin həyatın bundan asılıdır.
“Vaxtında vərilən məsləhət” 3-cü cild, № 10, Chalcedon/ Ross House Books, 2015. İngilis dilində: https://chalcedon.edu/resources/articles/in-god-we-trust
R.C. Raşduni (R. J. Rushdoony) (1916-2001), aparıcı ilahiyyatçı, kilsə/dövlət mütəxəssisi və Müqəddəs Kitab qanunlarının cəmiyyətə tətbiqi ilə bağlı çoxsaylı əsərlərin müəllifi olmuşdur. 1965-ci ildə “Chalcedon” fondunun əsasını qoymuşdur. Onun Müqəddəs Kitab Qanununun Əsasları (1973), Müqəddəs Qanunun etibarlılığını Allahın hamı üçün itaət standartı kimi qəbul edən müasir teonomiya hərəkatına başladı. O, müasir məsihçi məktəbini və 20-ci əsrin ortalarından sonlarınadək evdə təhsil hərəkatlarını təşviq edən hesab edilir.