Məzmurçu bizə mömin insan haqqında deyir: «Axar sular kənarında əkilən ağac kimi barını mövsümündə verər» (Zəb. 1:3). Müqəddəs Kitabın bizi nə üçün ağaclarla müqayisə etdiyini bilmək çox vacibdir. Müqəddəs Yazılar təsadüfi yazılmayıb; onlar düşünülərək və ilham alınaraq yazılmışdır.
Ağaclar haqqında mühüm həyati həqiqət onların ölənə qədər böyüməyə davam etməsidir. Onların böyüməsi dayandıqda ölməyə başlayırlar. Lakin onlar yaşadıqca, ölçüdə və gücdə böyüməyə davam edirlər. Mən uşaq olanda yaşlı palıd ağaclarının nə qədər böyük olduğunu və vadini bürüdüyünü xatırlayıram.
Ölmüş ağac yararsızdır və bəzi hallarda təhlükəlidir. Budaqları düşərək və ya bütün ağac aşaraq altında olan şeylərə zərər vura bilər. Ölmüş ağaclarımızı tez kəsməyə çalışırıq ki, evimizin zahiri görünüşünü yaxşılaşdıraq və ya yeni bitkilər üçün bağımızda yer yaradaq.
Bəs Rəbbin cəmiyyətindəki ölü ağaclar necə? Unutmayın, Rəbb bizi ağaclarla müqayisə edir və nə qədər ki, ağaclar yaşayır, onlar böyüyür. Mən illərlə Rəbbin cəmiyyətində çoxlu problemlərin artdığını görmüşəm və demək olar ki, həmişə böyüməyən üzvlər onların əsas hissəsidir.
Böyüməyən ağac torpaqdan həyatverici suyu çəkmək qabiliyyətini itirmişdir. Rəbbin cəmiyyətinin böyüməyən üzvü həyat suyundan, İsa Məsihdən həyat almır. O, axar sular kənarında əkilmiş olsa da, kökündən ölüdür və yaşamaq üçün qidalana bilmir.
Bizim açıq-aydın seçimimiz var: böyümək, ya da ölmək!
(Vaxtında Verilən Məsləhət-dən götürülüb, 7-ci Cild)
İngilis Dilində Mövcuddur: https://chalcedon.edu/resources/articles/growth
R.C. Raşduni (R.J. Rushdoony) (1916-2001), aparıcı ilahiyyatçı, kilsə/dövlət mütəxəssisi və Müqəddəs Kitab qanunlarının cəmiyyətə tətbiqi ilə bağlı çoxsaylı əsərlərin müəllifi olmuşdur. 1965-ci ildə “Chalcedon” fondunun əsasını qoymuşdur. Onun Müqəddəs Kitab Qanununun Əsasları (1973), Müqəddəs Qanunun etibarlılığını Allahın hamı üçün itaət standartı kimi qəbul edən müasir teonomiya hərəkatına başladı. O, müasir məsihçi məktəbini və 20-ci əsrin ortalarından sonlarınadək evdə təhsil hərəkatlarını təşviq edən hesab edilir.