Süleymanın Məsəllərindən bəzilərini tərcümə etmək çox çətindir, buna görə bəzən onları müxtəlif cür təfsir edə bilərik. Buna misal Süleymanın Məsəlləri 14:9-dur. İngilis dilində üç tərcümə versiyasını müqayisə edərək nədən danışdığını başa düşə bilərik. Kinq Ceyms versiyasında deyilir: “Səfehlər günaha rişxənd edər, əməlisalehlər bir-birini məmnun edər”; ümumiyyətlə ən yaxşı olan bu versiya burada uyğun deyil; Douay versiyasında deyilir: “Günah təkəbbürlülərin çadırında, yaxşılıq isə ədalətlilərın evindədir”. Berkli versiyasında deyilir: “Axmaq adamlar arasında əlaqə [ya da şərhçi, vasitəçi] günahdır, dürüst insanlar arasında isə xeyirxahlıqdır”.
Bu vesiyaların köməyi ilə məsəlin mənasını başa düşə bilərik. İnsanlar arasında səssiz, lakin tam real bir birlik və ortaqlıq mövcuddur. Axmaqlar, daha doğrusu, Müqəddəs Yazılardakı Allahı və Onun qanununu inkar edən adamlar görünməyən bir bağla: onların ortaq günahı ilə bağlıdırlar. Onlar pis vicdanı, Allahı və Onun Kəlamını rədd etməyi, ümumi təqsiri və Allahın əmrinə qarşı üsyanı paylaşırlar. Bu, onların arasındakı əlaqədir; onların vasitəçisi günah və təqsirdir; bu onları bir araya gətirir.
Möminlər arasında da oxşar bir birlik, onları birləşdirən görünməz bir əlaqə var. Bu, Allah qarşısında təmiz vicdan və Rəbdə olan həyatdan doğan iltifat, lütf və ya xoş niyyət göstərən bir həyatdır. Allahsızların təkəbbürünün əksinə onlarda lütf və xoş niyyət var.
Bu məsəlin mərkəzi fikri bu iki tip insan arasındakı fərqdir. Bu, görünməz olsa da, çox realdır və üzdə olan bir çox şeydən daha güclüdür. Özümüzə bu sualı verməliyik: biz hansı tərəfdəyik?
“Vaxtında vərilən məsləhət” 3-cü cild, № 40, Chalcedon/ Ross House Books, 2015.
R. C. Raşduni (R. J. Rushdoony) (1916-2001), aparıcı ilahiyyatçı, kilsə/dövlət mütəxəssisi və Müqəddəs Kitab qanunlarının cəmiyyətə tətbiqi ilə bağlı çoxsaylı əsərlərin müəllifi olmuşdur. 1965-ci ildə “Chalcedon” fondunun əsasını qoymuşdur. Onun Müqəddəs Kitab Qanununun Əsasları (1973), Müqəddəs Qanunun etibarlılığını Allahın hamı üçün itaət standartı kimi qəbul edən müasir teonomiya hərəkatına başladı. O, müasir məsihçi məktəbini və 20-ci əsrin ortalarından sonlarınadək evdə təhsil hərəkatlarını təşviq edən hesab edilir.