İnsanlar çox vaxt yanlış məna vermək üçün Allahın Kəlamını düzgün bölmürlər. Yaqub 2:26-da “əməlsiz iman da ölüdür” deyərkən qəti şəkildə buna qarşı çıxır. Paul 1 Saloniklilərə 1:3-də “imandan yaranan əməllərinizi, məhəbbətdən doğan zəhmətinizi və Rəbbimiz İsa Məsihə bağladığınız ümidin verdiyi dözümü Atamız Allah qarşısında daim yada salırıq” deyərək Salonikli imanlılar üçün Allaha minnətdarlıq edəndə mömin həyatın vəhdətindən danışır. Paul dəfələrlə iman, ümid və məhəbbətdən danışır; burada ardıcıllıq dəyişib və ümid sonda verilir.
“İmandan yaranan əməl” dedikdə Paul Rəbb və Onun xalqı üçün gərgin, təmənnasız və fədakar əməyi nəzərdə tutur. Bu gün cəmiyyət xadimləri iman və əməli bir-birindən çox ayırırlar; Paul açıq şəkildə göstərir ki, həqiqi imanın Allahın əmrlərinə və Sözünə tabe olmağa təsir edir. Əsl iman mömin əməllərdə təzahür edir. İman təkcə ürəklərimizi deyil, əməllərimizi də dəyişir.
“Məhəbbətdən doğan zəhmət” ən çətin şəraitlərdə öz ailəsini təmin etmək üçün bir kişinin özünü fədakarlıqla işə həsr etməsi deməkdir. Biz də Rəbb və Onun işi naminə eyni fədakarlıqla çalışmağa çağırılmışıq. Özünün çarmıxa çəkilməsi ilə Məsih bizə olan sevgisini göstərdiyi kimi, bizim məhəbbətimizdə vəzifə borcumuzdan artıq “zəhməti”, işi göstərməlidir.
Paulun üçüncü qeydi “ümidin verdiyi dözümdür”. “Dözüm” kimi tərcümə olunan söz həm də möhkəmlik deməkdir. Yəni bizim ümidimizə görə, hansı çətinliklərlə üzləşsək də, sabitik. İnamımızın, məhəbbətimizin və ümidimizin və bu işdəki zəhmətimizin mərkəzində İsa Məsih durur.
Hal-hazırda biz Romanın süqutundan əvvəl erkən imanlı cəmiyyətinin qarşılaşdığından daha problemli və uğursuz bir dünya ilə qarşılaşırıq. Bütün dünya dərin bir iqtisadi sıxıntı yaşayır və ən böyük iqtisadi fəlakətlə qarşı-qarşıyadır. Hər yerdə hakimiyyətdə humanist dövlətçiliyin mövcud olduğu və Rəbbə qarşı düşmən olan çirkin siyasi səhnə görünür.
Lakin indi ümidsizliyə qapılmağın vaxtı deyil. Əksinə, bizim Rəbbimizin mütləq qələbəsinə əminliklə iman, məhəbbət və ümidlə işləməyimizin vaxtıdır.
“Vaxtında vərilən məsləhət” 3-cü cild, № 8, Chalcedon/ Ross House Books, 2015.
R.C. Raşduni (R. J. Rushdoony) (1916-2001), aparıcı ilahiyyatçı, kilsə/dövlət mütəxəssisi və Müqəddəs Kitab qanunlarının cəmiyyətə tətbiqi ilə bağlı çoxsaylı əsərlərin müəllifi olmuşdur. 1965-ci ildə “Chalcedon” fondunun əsasını qoymuşdur. Onun Müqəddəs Kitab Qanununun Əsasları (1973), Müqəddəs Qanunun etibarlılığını Allahın hamı üçün itaət standartı kimi qəbul edən müasir teonomiya hərəkatına başladı. O, müasir məsihçi məktəbini və 20-ci əsrin ortalarından sonlarınadək evdə təhsil hərəkatlarını təşviq edən hesab edilir.