Həvarilərin İşləri 17:7-də “Bunların hamısı qeysərin fərmanlarının əksinə gedib deyir ki, İsa adlı başqa bir padşah var” deyə Salonikli Yason tərəfindən erkən imanlılar cəmiyyətinə qarşı açıq-aşkar ittiham irəli sürülmüşdür. Bu ittiham doğru idi. Harada imanlı cəmiyyətinin təməli qoyulurdusa, orada məsihçilər dünyanın getdiyi yola qarşı çıxırdılar. Həmin günlərdə, indiki kimi, abort, homoseksualizm, fahişəlik və bir çox başqa şeylər adi hal idi və qəbul edilmişdi. Korinf kimi Salonik də o vaxt adi hal olan pisliklərlə dolu liman şəhəri idi. Bir obol[1]obol – qədim yunan pul vahidi. və ya bir sentdən artıq götürmələri qadağan edilən 1000 gənc köləsi olan rəsmi əxlaqsızlıq yuvası kimi Venera məbədinin əsasını qoyan Korinf şəhəri haqqında açıq-aşkar dəlillərimiz vardır. Zəngin bir iş adamı üçün ən yüksək markalı fahişənin bir gecəsi 1000 dollar idi.
Bütün qeydlər hamısı bunu göstərir ki, çox erkən dövrdə məsihçilər Roma imperiyasının icazə verən qanunlarını Padşah İsanın yüksək qanunu ilə qarşı-qarşıya qoymuşlar. Onu Məsih adlandıraraq millətlər üzərində Allah tərəfindən məsh olunmuş Padşah elan edirdilər. Rəbbin cəmiyyəti bəyan edirdi ki, bütün insanların və xalqların bir vəzifəsi var idi: padşahlar Padşahına və rəblərin Rəbbinə iman və itaət etmək.
Onlar cəsarətlə danışmağa cürət etdilər, çünki Allahın sözünə hərfi mənada inanırdılar. Yeşaya 60:12-də bəyan edilir: “…Sənə (Rəbbə) xidmət etmək istəməyən millət ya padşahlıq məhv olacaq, bəli, o millətlər tamamilə yox olacaq”. Presviter Salvian Romanın süqutunu Allahın Kəlamının bəraəti kimi gördü.
Qanlı təqiblərə baxmayaraq, məsihçilər qalib gəldilər, çünki onlar öz Padşahına, İsa Məsihə inanır və itaət edirdilər və onlar öz dövrlərinin pisliklərinə meydan oxuyur və onlara qarşı mübarizə aparırdılar. Onlar heç bir vaxt şübhə etmirdilər ki, “Allahdan doğulan hər kəs dünyaya qalib gəlir. Bizə dünya üzərində zəfər qazandıran öz imanımızdır” (1 Yəhya 5:4). Onların imanlarına və müqəddəs cəsarətlərinə şərik olursunuzmu?
“Vaxtında vərilən məsləhət” 3-cü cild, № 1, Chalcedon/ Ross House Books, 2015.
R. C. Raşduni (R. J. Rushdoony) (1916-2001), aparıcı ilahiyyatçı, kilsə/dövlət mütəxəssisi və Müqəddəs Kitab qanunlarının cəmiyyətə tətbiqi ilə bağlı çoxsaylı əsərlərin müəllifi olmuşdur. 1965-ci ildə “Chalcedon” fondunun əsasını qoymuşdur. Onun Müqəddəs Kitab Qanununun Əsasları (1973), Müqəddəs Qanunun etibarlılığını Allahın hamı üçün itaət standartı kimi qəbul edən müasir teonomiya hərəkatına başladı. O, müasir məsihçi məktəbini və 20-ci əsrin ortalarından sonlarınadək evdə təhsil hərəkatlarını təşviq edən hesab edilir.
Qeyd
| ↑1 | obol – qədim yunan pul vahidi. |
|---|