İqtisadi və təbii resurslarımız və bütün ölkələr üzərində böyük üstünlüklərimiz dünyadakı lider mövqeyimizi heç bir şey dəyişə bilməz”
– deyə bu yaxınlarda bir natiq bəyan etdi. Bundan böyük yanlış ola bilməzdi.
Mövqeyinə görə dünyanın ən yaxşı şəhəri Konstantinopol və ya İstanbuldur. Dunay və Orta Avropa ticarəti, eləcə də, Rusiya ticarəti Dardanel boğazından keçir. Bizans təxminən 1200 il hökmranlıq etdi ki, bu da Konstantinopolun strateji mövqeyindən istifadə sayəsində ən uzunmüddətli tarixi olan imperiya idi. Türklər onu fəth etdikdən bəri, Konstantinopolun gücü və əhəmiyyəti zəiflədi. Dünyanın həmin hissəsində ona hələ də “Bolis” və ya “Şəhər” deyirlər, lakin artıq dünyanı idarə etmir.
Dünyanın ən zəngin torpaqları olan iki bölgəsi Kaliforniyanın San-Xoakin Vadisi və Misirin Nil bölgəsidir. Kaliforniya Amerikanı yedizdirir və dünyanın hər yerinə ixrac edir. Misirli fermerlər dünyanın ən kasıb fermerlərindəndir. Misirin nəhəng təbii sərvəti onu zənginləşdirmədi.
İndiki dövrün və əvvəlki dövrün Konstantinopolu arasındakı və Kaliforniya ilə Misir arasındakı fərq təbii üstünlüklərdə və resurslarda deyil. Fərq iman və xarakterdədir. Çoxlu resurslara malik olmayan Britaniya iki-üç əsr boyunca dünyada hökmranlıq etdi. Fərqliliyi yaradan xalqın xarakteri idi.
Məzmurçu bəyan edir:
Evi Rəbb tikməzsə, bənnaların zəhməti boşa gedər. Şəhəri Rəbb qorumazsa, keşikçilər boş yerə orada gözlər” (Zəbur 127:1).
Amerikanın iqtisadi və təbii ehtiyatlarına görə böyük bir gələcəyə malik olduğuna inanan adamlar unudurlar ki, Misirin resursları ona heç bir fayda gətirmir. İmana və xarakterə bərabər olan bir resurs yoxdur və biz bu resursa laqeydlik göstərir və məhv edirik. Rəbbi əsas qurucumuz olaraq rədd etdik və tezliklə zəhmətimiz tamamilə boşa çıxa bilər.
Heç bir milli müdafiə silahı Allahın qanun sözünə itaət etməyib əmrləri pozan insanların məhvinə qarşı dura bilməz. Biz yenidən evini Qayanın, İsa Məsihin üstündə quran müdrik adam kimi olmalıyıq ki, nə fırtına, nə fəlakət ona ziyan vura bilsin, çünki o, təməlini Qaya üzərində qurdu (Matta 7:24). Fırtına başlamazdan əvvəl təməllərinizə baxın.
“Vaxtında vərilən məsləhət” 3-cü cild, № 28, Chalcedon/ Ross House Books, 2015.
R. C. Raşduni (R. J. Rushdoony) (1916-2001), aparıcı ilahiyyatçı, kilsə/dövlət mütəxəssisi və Müqəddəs Kitab qanunlarının cəmiyyətə tətbiqi ilə bağlı çoxsaylı əsərlərin müəllifi olmuşdur. 1965-ci ildə “Chalcedon” fondunun əsasını qoymuşdur. Onun Müqəddəs Kitab Qanununun Əsasları (1973), Müqəddəs Qanunun etibarlılığını Allahın hamı üçün itaət standartı kimi qəbul edən müasir teonomiya hərəkatına başladı. O, müasir məsihçi məktəbini və 20-ci əsrin ortalarından sonlarınadək evdə təhsil hərəkatlarını təşviq edən hesab edilir.