Nyu-York şəhəri, Bruklindən olan pastor S.M. Şlissel bir dəfə mənim diqqətimi 1 Salnamələr 21:1-ə, Padşah Davudun insanları siyahıya almaqla etdiyi günahına və bir neçə nəsil əvvəl Müqəddəs Kitab alimlərinin şərhlərinə cəlb etdi. Davudun siyahıyaalmasını pis sayan alimlər yazırdılar: “Davudun insanları siyahıya almaqla etdiyi günah ya toplaya biləcəyi döyüşçülərin sayını təyin etməklə öz qürurunu razı salmaq…, ya da, çox güman ki, zəruri hesab etdiyi müvafiq monarxiyanın qurulması, lakin əslində… xalqın azadlığı ilə əlaqədar bir yenilik kimi qələmə verilən müntəzəm və daimi bir vergi sistemini qurmaq istəyindən ibarət idi”.
Bu gün Kaliforniya ştatının senatoru mənə zəng etdi və dedi ki, yeni vergi qanununun müzakirəsi zamanı sadə bir sual verdi: “Bəs bu verginin əxlaqi cəhəti necə?” Hamı ifadəsiz baxışla ona baxdı, sonra da heç nə olmamış kimi davam etdilər.
Amma Amerika Birləşmiş Ştatlarının erkən tarixlərində Con Marşal xəbərdarlıq etmişdi: “Vergi qoyma gücü dağıtmaq gücüdür”. Heç bir şey bu faktı dəyişmədi. Allah aydın şəkildə bəyan edir: “Oğurluq etmə” (Çıxış 20:15). Böyük torpaq mülkiyyətçilərini öz təsərrüfatlarını satmağa məcbur etmək üçün bəzi ölkələr həqiqətən gəlir vergilərini qaldırdılar. Bu oğurluqdur.
Ancaq cavab vergi qiyamı deyil, amma əxlaqa və imana qayıtmaqdır. Bizim mülki hökumətlərimiz pisdir, çünki biz insanlar əxlaqsızıq və bizim layiq olduğumuz və qazandığımız hökmdarlarımız var. Dəyişikliklər bizdən başlayır. Yalnız onda bu effektiv olacaqdır.
“Vaxtında vərilən məsləhət” 3-cü cild, № 55, Chalcedon/ Ross House Books, 2015.
R. C. Raşduni (R. J. Rushdoony) (1916-2001), aparıcı ilahiyyatçı, kilsə/dövlət mütəxəssisi və Müqəddəs Kitab qanunlarının cəmiyyətə tətbiqi ilə bağlı çoxsaylı əsərlərin müəllifi olmuşdur. 1965-ci ildə “Chalcedon” fondunun əsasını qoymuşdur. Onun Müqəddəs Kitab Qanununun Əsasları (1973), Müqəddəs Qanunun etibarlılığını Allahın hamı üçün itaət standartı kimi qəbul edən müasir teonomiya hərəkatına başladı. O, müasir məsihçi məktəbini və 20-ci əsrin ortalarından sonlarınadək evdə təhsil hərəkatlarını təşviq edən hesab edilir.