Bu yaxınlarda bir pastor çoxlu ardıcılı olan böyük bir qeyri-məsihçi hərəkatının bəhrəsizliyini müşahidə edirdi. Haqlı olaraq o qeyd etdi ki, ardıcılları onun uğrunda nə qurban verməyə, nə də ölməyə hazırdırlar.
Onun bu sözləri bugünkü imanlı cəmiyyəti üzvlərinə aiddirmi? Amerikanın ən görkəmli pastorlarından biri hazırda cəmiyyət üzvlərinin faizinin əvvəlki ilə müqayisədə yüksək olmasına baxmayaraq, “yenidən doğulduğunu” iddia edən 91 milyon yetişkini ilə imanlı cəmiyyətinin Amerika həyatında heç vaxt bu qədər az təsirli olmadığını söylədi. Aydındır ki, bu insanların məsuliyyət səviyyəsi çox aşağıdır.
Romalılara 12:1-də Paul bizi bədənlərimizi canlı bir qurban olaraq Allaha təqdim etməyə çağırır; o, bunu “ağılla etdiyiniz ibadət” adlandırır. Bu ayədəki “bədən” termini sinekdoxadır[1]sinekdoxa — metonimiyanın bir növüdür. Sinekdoxada bir əlamət bütöv bir anlayışı, sözün bir hissəsi tamı əvəz edir., “tam bir insan” deməkdir (Vaynın İzahlı Əhdi-Cədid Sözləri lüğəti, 1940). Bu o deməkdir ki, biz heç bir şeyi özümüzə saxlaya bilmərik.
Çox vaxt pastorlar Allahın həqiqətinə qarşı çıxan və əsasən “Qoy mənim iradəm olsun” düşüncəsinə malik olan ibadətə gələnlər haqqında mənə danışanda bu ayəni yadıma salıram.
Rəbb hətta ölümə qədər tam həsrolunma tələb edir və bunu “ağılla etdiyimiz ibadət” adlandırır. Başqa sözlərlə desək, Allahın əsas məqsədi insanı izzətləndirmək və əbədi olaraq ondan həzz almaq deyil! Əksinə, köhnə katexizisdə deyildiyi kimi, “İnsanın əsas məqsədi Allahı izzətləndirmək və əbədi olaraq Ondan həzz almaqdır.” Biz Allahdan yalnız əgər O, həyatımızda birinci olarsa və Onun bizdən tələb etdiyi hər şeyin “ağılla etdiyimiz ibadət” olduğunu başa düşəriksə həzz ala bilərik. Allaha öz şərtlərimizlə deyil, yalnız Onun şərtləri ilə xidmət edə və Ondan zövq ala bilərik.
Rəbb bizim üzərimizdə və daxilimizdə yenidən üstünlüyə malik olanda və Onun qanun sözü bizi həqiqətən idarə edəndə bizim tamamilə fərqli imanlı cəmiyyətimiz və ölkəmiz olacaq.
İngilis Dilində Mövcuddur: https://chalcedon.edu/resources/articles/a-living-sacrifice
R.C. Raşduni (R.J. Rushdoony) (1916-2001), aparıcı ilahiyyatçı, kilsə/dövlət mütəxəssisi və Müqəddəs Kitab qanunlarının cəmiyyətə tətbiqi ilə bağlı çoxsaylı əsərlərin müəllifi olmuşdur. 1965-ci ildə “Chalcedon” fondunun əsasını qoymuşdur. Onun Müqəddəs Kitab Qanununun Əsasları (1973), Müqəddəs Qanunun etibarlılığını Allahın hamı üçün itaət standartı kimi qəbul edən müasir teonomiya hərəkatına başladı. O, müasir məsihçi məktəbini və 20-ci əsrin ortalarından sonlarınadək evdə təhsil hərəkatlarını təşviq edən hesab edilir.
Qeyd
| ↑1 | sinekdoxa — metonimiyanın bir növüdür. Sinekdoxada bir əlamət bütöv bir anlayışı, sözün bir hissəsi tamı əvəz edir. |
|---|